HSD'ê bi daxuyaniyekê ragihand ku di encama çalakiyên hêzên wan ên li Minbic û Bendava Tişrînê de 18 endamên komên paramîlîter hatine kuştin û 7 wesayîtên zirxî, 3 tank û 6 wesayîtên leşkerî jî hatine rûxandin.
Nûnerên partiyên siyasî li pêşiya Şaredariya Akdenîzê bertek nîşanî îktîdarê dan û gotin: “Dê qeyûm biçin, gel dê bimîne. Em ê serî netewînin.”
DEM Partiyê, lêpirsîna der heqê Baroya Stenbolê de hatiye destpêkirin weke “girêdayî polîtîkaya qeyûm e” û got: “Em piştgiriyê didin Baroya Stenbolê û rêxistinên pîşeyî.”
Ji Şandeya Îmraliyê Sirri Sureyya Onder diyar kir ku ji bo çûna Îmraliyê ew ê di demekî herî nêz de serlêdanê bikin.
Parlamenterê DEM Partiyê Alî Bozan diyar kir ku ji bo pêşkeşkrina çavkaniyên aboriyê yên Akdenîzê qeyûm lê hatiye tayînkirin.
Rêberê PKK’ê Abdullah Ocalan têkildarî helwesta dewletê ya nezelal a li dijî sekna wî ya siyasî ya ji bo çareseriya demokratîk gelek caran nîşan daye, bi salan berê hişyariya “cidiyetê” kiribû û got: “Heke dewlet cidî nêzî min nebe, nikare encamekî rast bi dest bixe.”
Ayşe Guler ku bavê wê Siddik Guler yek ji girtiyên nexweş e û rewşa wî giran e, wiha got: “Bi tena serê xwe nikare pêdiviyên xwe bicih bîne. Ji roja birine Girtîgeha Îskenderûnê heta niha erebeya wî ya astengdaran jê re nehatiye dayin."
Welatiyên li dijî tayînkirina qeyûm a li Şaredariya Akdenîzê li ber xwe didin, wiha gotin: “Yên demokratîkbûnê dixwazin bila dev ji polîtîkayên qeyûm berdin. Em dev ji îradeya xwe bernadin.”
Ji ber xala 'bêyî ku endamê rêxistinê bin li ser navê rêxistinê sûc kirin' ku ji aliyê Dadgeha Destûra Bingehîn ve 2 caran hat betalkirin, hêj gelek kes tên binçavkirin. Xala ku behsa wê tê kirin ji bo qeyûm tayînî şaredariya Miksê bikin wek hincet hat bikaranîn.
Parêzvanê mafên mirovan Coşkûn Ustercî ku yek ji îmzevanê metna divê meseleya Kurd bi rêyên demokratîk û aştiyane bê çareserkirin de ye, wiha got: "Pir rast e ku divê muzakere ji Îmraliyê dest pê bike."
Parêzer Gulîzar Tûncerê anî ziman ku di pêvajoya nû de divê zimanê bê bikaranin bê guhertin û got: "Di vê pêvajoyê de gengeşeyên ku tên kirin divê bên şênberkirin û civakîkirin."
Midûriyeta Giştî ya Meteorolojiyê ji bo Herêma Serhedê hişyariya barîna berfê û şilopeyê kir.
Hevseroka KNK'ê Zeynep Murad diyar kir ku yekitiya netewî ji bo rawestandina êrişên ser Rojava girîng û jiyanî ye û got: "Niha pêwistiya me bi stratejiyeke neteweyî heye. Ji bo vê jî divê em serî de yêkitiya xwe ava bikin. Konferanseke netewî lezgîn û jiyanî ye."
Endama Hevserokatiya PYD'ê Foza Yûsif diyar kir ku ew plan dikin ku di demeke nêz de bi hemû partiyên kurdî re hevdîtinê pêk bînin û got: "Em garantorê yekitiya xaka Sûriyeyê ne. Modela Rêveberiya Xweser çareseriya herî baş e."
Berdevkê Karên Derve yê Meclisa Kurd a Swîsreyê Ahmet Yaman diyar kir ku perspektîfa çareseriyê ya ji 7 xalan pêkhatî ya Abdullah Ocalan, firsendeke mezin e û got: "Divê desthilat û muxalefet bi her awayî xwedî lê derkevin."