Sekreterê Giştî yê NY Antonio Gutteres diyar kir ku kulmek mirov xwediyê nîvê dewlemendiya dinyayê ne û got: "Qewimînên cudakariyê, bêwekhevî, bêedaletî, sosyal aborî û mafên çandî yên tên binpêkirin ji aloziya civakî û pevçûnên îroyîn re dibe sedema bingehîn û pêk tîne."
Wezîrê Karên Derve yê Rûsyayê Sergey Lavrov teqez kir tu peyman û lihevkirinên Rûsya û Tirkiyeyê yên der barê Kurdên li Sûriyeyê nîne û destnîşan kir ku operasyonek leşkerî ya hevbeş a Îran, Rûsya û Tirkiyê li ser Sûriyê jî rû tuneye.
Xelata Martin Ennals, dan aktivîstê sûdanî Abdul Azîz Muhamat. Ji bo xelatê sê kes mabûn fînalê. Yek ji van kesan jî Hevseroka Giştî ya ÎHD'ê Eren Keskîn bû.
Li Baytextê Fransa Parîsê agir bi avahiyekê ket. Di şewatê de herî kem 7 kesan jiyana xwe ji dest dan
Li Venezûelayê, pêşengê muxalefetê Huan Gûaîdo ji bo demekê serokatiya xwe ya ji bo dewletê ragihandibû. Parlementoya Ewropay (PE) jî serokatiya Gûaîdo qebûl kir. Li parlementoyê, dengdayîn pêk hat û di dawiya dengdayînê de serokatiya Gûaîdo hat qebûlkirin.
Li Meksikayê teqîn pêk hat. Di teqinê de 20 kesan jiyana xwe ji dest dan û 71 kes birîndar bûn.
Hikumeta Elman a Federal xwest, tecrîdkirina Rêberê PKK'ê Abdullah Ocalan bi dawî bibe. Musteşarê Wezîrê Karên Derve Roth xwest Ocalan karibe parêzer û malbata xwe bi rêk û pêk bibîne.
Cîgirê Serokê DYA'yê Mîke Pence, der barê vekişîna leşkerên DYA'yê ya ji Sûriyeyê de got: "Em leşkerên xwe dişînin malê. DAIŞ hat têkşikandin, lê ji bo parastona destkeftiyên xwe em ê li herêmê bimînin."
Wezîrê Karên Derve yê DYA Mike Pompeo diyar kir ku ji bo li Sûriye YPG'ê bên parastin hewl didin ku bi Tirkiye re peymanê çêkin û di vê mijarê de bi hevî ne. Pompeo, destnîşan kir ku Kurdên li dijî DAIŞ'ê şer kirin ne terorîs in.
Parlamenterên Ewropa û Rojhilata Navîn belavokek belav kirin û piştgirî dan Hevseroka KCD’ê Leyla Guven.
Alîgirê Wezîrê Karê Derve yê Sûriyeyê Faysal Mîkdat got: “Bêyî diyaloga bi komên kurdan re tu alternatîf nîne.”
Hat diyar kirin ku li herêma daristanên bi baran ên bakurê rojavayê Brezilya, erdheja pileya wê 6.8 rû da
Serokomarê Fransa Macron, bi Serokdewletê Rûsyayê Pûtin re rewşa Sûriyeyê ya piştî biryara vekişandina leşkerên DYA nirxandin û xwest hêzên Kurd ên li Sûriyeyê bên parastin.
Li Filîpînan erd şemidî û şape rabû. Di encamê de 85 kesan jiyana xwe ji dest dan.
Li paytexta Afganistanê Kabûlê li dijî avahiya hikûmetê êrîş pêk hat. Di êrîşê de 46 welatiyan jiyana xwe ji dest dan. Gelek kes jî birîndar bûn.