HDP'ê ji bo xizmeta cemaweriyê bi zimanê zikmakî bê dayîn pêşnûmayek berpêşî Meclîsê kiribû, lê belê bi hinceta derî Qanûna Bingehîn e hat redkirin.
Berpirsiyarê Têkiliyê Derve û Alîgirê Hevserokatiya HDP'ê Hişyar Ozsoy anî ziman ku Sûriye naşibe tu welatekî Rojhilata Navîn û ger Tirkiye êrîşî Bakur û Rojhilatê Sûriyeyê bike wê têkeve nav "çiravê" û got: "Wê fatûreya van polîtîkayên dijî kurdan ên Tirkiyeyê giran be."
Hevserokê Giştî yê HDP’ê Sezaî Temellî li Manîsayê axivî û got: “Leyla Guven 50 roj in di greva birçîbûnê de ye. Ji bo em dereng nemînin û êş li ser êşên me zêde nebe divê em deng bidin dengê Leyla Guven.
Meclisa Rêveber a Rêveberiya Xweser a Bakur û Rojhilatê Sûriyê têkildarî hewldanên Tirkiye û piştgiriya DAIŞ'ê daxuyanî da û destnîşan kir ku heke êrîşên Tirkiye li dijî herêmê pêk werin, dê çeteyên DAIŞ’ê dîsa xurt bibin û li herêmê aramî têk biçe.
Cîgirê Fermendariya Giştî yê Artêşa Şoreşgeran Ebû El-Erac destnîşan kir ku Tirkiyê bi gefên xwe li dijî herêmên Bakur û Rojhilatê Sûriyê destkeftiyên gelê herêmê dike hedef û wiha got:" Şêniyên Minbicê di berxwedanê de bi israra in. Gelê Minbiçê dest ji axa xwe berneda û bernade.”
Hevserokên Giştî yên HDP'ê bi boneya Cejna Noelê peyamek weşandin û gotin: "Di vê dema şer de, em hêvîdarin ev cejn bibe wesîleya xurtkirina aştî û piştevaniyê."
Wekîlê Serokê Koma HDP’ê Ayhan Bîlgen bal kişand ser bazariya Tirkiye û DYA’yê ya Sûriyeyê û got: “Bedela şerê li Rojhilata Navîn gel didin.” Bîlgen got zimanê siyaseta Enqereyê rê li ber dijminatiya kurdan vedike.
STENBOL - Hevserokê Giştî yê DBP'ê Mehmet Aslan li Stenbolê bal kişand ser çalakiyên greva birçîbûnê û got: "Em deng bidin dengê girtiyan."
Hevserokê Giştî yê HDP'ê Sezaî Temellî, beşdarî kongreya Bajar a Aydinê bû û diyar kir ku di nava AKP'ê de nelirêtî, dizî û tu çi bixwaze heye û wiha got: "Îktidara AKP'ê li Tirkiye bi şer îktîdara xwe diparêze. Gelan dike dijminê hev û bi hev dide şerkirin. Ji HDP'ê re dibêje têkiliya wê û terorê bi hevre heye. Li Tirkiye tenê terorek heye. Ew jî li Nexweşxaneya Dewletê ya Pirsûsê ye. 17 terorîstên li Nexweşxaneyê malbatna Şenyaşar qetil kirin e."
Parlementera HDP'ê ya Amedê Salîha Aydenîz, diyar kir ku piştî gefên Tirkiyeyê yên ji bo Bakur û Rojhilatê Sûriyeyê careke din divêtiya ji bo yekîtiya netewî ya kurd derketiye holê û got: "Li hemberî êrîşên li dijî destkeftiyên kurdan yekîtî hewce ye û tiştekî lezgîn e."
Hevserokê Giştî yê HDP'ê Sezaî Temellî diyar kir ku ji bo çareserkirina pirsgirêka kurd muxatab Ocalan e û got: "Tecrîd, mijara herî girîng a Tirkiyeyê ye. Heta hûn dawî li tecrîdkirinê neynin hûn ê nikaribin tu tiştî bikin."
Hevserokê Giştî yê HDP'ê Sezaî Temellî, biryara DYA ya vekişandina ji Bakur û Rojhilatê Sûriyeyê nirxand û got: "Divê hemû hêzên derveyî welat ji Sûriyeyê vekişin. Em bang li NY dikin ku înîsiyatîfê bigire."
Hevseroka Meclîsa Sûriyeya Demokratîk Emîne Umer diyar kir ku heta DYA destûrê nede Tirkiye nikare li dijî Bakurê Suriyeyê operasyonê li dar bixe û koalîsyona navnetewî jî çareseriyê di diyalogê de dibîne.
Hevserokê DBP'a Amedê Îbrahîm Çîçek, bêdengiya hikûmetê ya ji bo çalakiya greva birçîbûnê ya Hevseroka KCD'ê Leyla Guvenê rexne kir û çalakiyên greva birçîbûnê yên di sala 2012'an de bi bîr xist. Çîçek got: "Em di destpêka pêvajoya 2012'an de ne. Ji bo îro Birêz Ocalan rola xwe bilîze, divê dawî li tecrîdê bê."
Hevserokê Giştî yê HDP'ê Sezaî Temellî, di ziyareta Mûşê de polîtikaya AKP'ê ya şer rexne kir û wiha got: "Kengî hilbijartin nêzîk dibe îktidar bi xwîna kurdan diçe hilbijartinê. Yên heviya xwe bi ketina Rojava xurt dikin carek din Tirkiye dixin nava kaosê." Temellî, bal kişand tecrîdkirina Rêberê PKK Abdullah Ocalan jî û wiha got: "Tecrid dê bi têkoşînê bi dawî bibe."