MYK’a HDP’ê derbarê 4’emîn salvegera komkujiya Dîlokê de daxuyaniyeke nivîskî da û kesên komkujiyê pêk anîn, hêzên pişt komkujiyê, feraseta piştgirî daye komujiyê, li gel bi dehan îstixbaratê kesên komujiyê asteng nekirin û çavê xwe jê re girtin, nelet kir.
Cîgirê Hevserokê Giştî yê HDP'ê Tayip Temel, têkildarî bernameya HDP'ê diyar kir ku heta li Tirkiyeyê pirsgirêka Kurd neyê çareserkirin û Kurd negêjin mafên xwe yên demokratîk û zagonî; tu pirsgirêkên din çareser nabin û bi vê nerinê dest bi xebatek wisa kirine. Temel, destnîşan kir ku di bingeha qeyrana aborî, ekolojî û civakî de şer heye û li dijî gelê Kurd êrîşek topyekûn heye. Temel, destnîşan kir ku pergala tecrîdê li hemû Tirkiyeyê belav bûye û xwest hemû hêzên demokrasiyê li dijî şer û tecrîdê bibin yek.
Hevseroken Giştî yên HDP’ê Pervîn Bûldan û Mîthat Sancar, derbarê meha meha Meheremê de peyama “Di şexsê têkoşîna bi rûmet a neviyên rêzdar Huseyîn ku serê xwe ji zalim re netewand, Kerbela bûye remza berxwedanê ya gelê mezlûm” weşandin.
Serokwkîla Koma HDP’ê Meral Daniş Beştaş, di salvegera tayînkirina qeyûman a cara duyemîn de diyar kir ku pergala qeyûman têk çûye. Hevşaredarê Qersê Ayhan Bîlgen jî destnîşan kir ku xelsaiya dinyayê di demokrasiyê herêmî de ye.
Di encamnameya civîna Meclîsa Partiyê ya HDP'ê de hat diyarkirin ku desthliata AKP-MHP'ê bi şer û dagirkeriyê hewl dide li ser piyan bimîne. HDP'ê destnîşan kir, çareseriya Pirsgirêka Kurd bi bidawîkirina tecrîda li Îmraliyê pêkan e.
Serokwekîlên Koma HDP’ê Sarûhan Olûç û Meral Daniş Beştaş, daxwaz kirin ku cînayetên karkeran ên di pêvajoya pandemiyê de zêde bûne û şertên xebatê yên karkeran bên lêkolînkirin.
Rêxistina HDP'ê têkildarî salvegera erdheja 17'ê Tebaxê ya Marmarayê peyayek parve kir û got: “Sedema hilweşîna 17'ê Tebaxê bê berpirsiyarî û rant bû. Mixabin 21 sal borîn hêj hişmendiya rantê li ser kar e û welat bi rêve dibe."
Meclîsa HDP'ê dibin serokatiya Hevseroka Giştî ya HDP'ê Pervîn Bûldan de, bi awayekê onlîne civiya. Di civînê de, amadekariyên asta sêyemîn ên Bernameya Têkoşîna Demokratîk hatin nîqaşkirin.
Hevseroka KCD'ê Leyla Guven û Hevserokê DBP'ê Keskin Bayindir, li Navçeya Bagcilarê ya Stenbolê bi gel re civîya.
Berdevkê Komîsyona Têkiliyên Derve yê HDP'ê Hişyar Ozsay, têkildarî gotina Namzetê Serokatiya DYA Joe Biden ku 8 meh berê der barê Serokê AKP'ê Erdogan de gotibû û ji nûve dikin rojev, got: “Dixwazin ser vê xizanî û birçîbûna Tirkiyeyê bi hestên niijadperestî û popîlîzma dijminantiya derve ji nûve şima bike û germ bikin."
Heyeta KCD'ê û DBP'ê li Dersimê bi rêveberiya HDP'ê ya Dersimê re hat cem hev. Hevseroka Giştî ya DBP'ê Saliha Aydeniz, bal kişand ser girîngiya têkoşîna hevpar û wiha got: “Erka me hemûyan ewe ku em têkoşîna demokratîk bi hevre mezin bikin û pêş bixin."
Hevserokên KCD û DBP’ê ku bi armanca piştgiriya “Bernameya Tekoşîna Demokrasiyê” ji xwe re bernameyekê derxistin, serdana xwe ya destpêkê ji bo Dersimê kirin. Hevserokên ku li bajar hin serdanan kirin, bal kişandin ser “ji bo demokrasiyê yekitî” û “tora têkoşîna hevpar”.
Berdevka HDP'ê Ebrû Gunay, têkildarî kêşeya Kurd bang li hêzên muxalif kir û wiha got: “Rêya çareseriya kêşeya Kurd rêbaza diyalogê ye. Muxatabê kêyeya Kurd diyar e. Hêzên qala çareseriyê dikin divê vê rastiyê qebûl bikin."
Parlamenterê Rihaye Omer Ocalan, diyar kir ku ji bo asayîbûna pêvajoya zehmet ku Tirkiye têre derbas dibe, rakirina tecrîdê gelek girîng e û ji bo rakirina tecrîda li ser Rêberê PKK’ê Abdullah Ocalan bang li hemû saziyên siyasetê û rêxistinên mafên mirovan û sivîl kir.
Wekîlên Koma HDP'ê Meral Daniş Beştaş û Saruhan Oluç, ji meclîsê xwestin têkidarî rapor û tespîtên CPT'ê yên der barê Îmraliyê de lêkolîn bikin.