Endamê Konseya Rêveber a KCK’ê Zubeyr Aydar diyar kir ku heta Abdullah Ocalan bi awayekî azad xebatên xwe nemeşîne çareserî pêk nayê û têkildarî gotinên Erdogan yên têkildarî berdana çek got, “Ev gefxwarin e. Bi zimanê şer û gefxwarinê aştî pêk nayê.”
Meclisa Şaredariya Sêrtê di çalakiya nobetê ya li dijî tayînkirina qeyûm de civîna xwe ya meha Sibatê li dar xist. Hevşareda Sofya Alagaş got ku ew ê biryara tayînkirina qeyûm nas nakin û têkoşîna xwe bidomînin.
Dayikên Aştiyê gotin û kiriyarên îktîdarê yên têkildarî nîqaşên ser çareseriyê rexne kirin û xwestin ku pêvajo zelal were meşandin. Dayikên Aştiyê gotin; “Rêya aştiyê, azadiya birêz Abdullah Ocalan e.”
Deklarasyona têkildarî mitînga “Ji bo aştiyê azadî” ku dê di 8’ê Sibatê de li Amedê were lidarxistin, hat eşkerekirin. Di daxuyaniyê de hat diyarkirin ku divê pirsgirêk bên çareserkirin û banga tevlibûna mitîngê hate kirin.
Welatiyên tev li kongreya DEM Partiyê ya Rezanê bûn diyar kirin ku îktîdar bi pratîkên xwe yên heyî re di mijara çareseriya pirsgirêka Kurd de baweriyê nade.
Parlamenterê DEM Partiyê Alî Bozan diyar kir ku ew ê ji bo rêvebirina Şaredariya Akdenîzê xwe li benda hilbijartina pêş negirin û wiha got: “Em ê tevî hemû kesên li gel maf, edalet û wijdanê têbikoşin û qeyûm bişînin.”
Endamên Platforma Parastina Bajar û Piştevaniyê ya Amedê ku li Enqereyê hevdîtin kirin, diyar kirin ku wan fikarên di nava civakê de bi partiyan re parve kirine û ji bo pêvajo civakî bibe dê xebatên wan bidomin.
Wezareta Karên Hundir tayînkirina qeyûman her tim di bin navê “tevdîra tayînkirinê ya demkî” parast lê heta niha tu hevşaredar li peywira xwe nehatin vegerandin. Yek ji van jî Bêrîvan Helen Işik e. Bêrîvan Hele Işik got ku pêvajoye di çarçoveya planekê de tê kirin.
Ji ciwanên tev li çalakiya protestokirina qeyûm a li Sêrtê bûy Mahmût Kizilkaya, wiha got: “Ez 26 salî me. Heke bizanim dê tevahiya emre min di girtîgehê de derbas bibe jî, heke bizanim dê di vê rêyê de bimirim jî ez ê vê têkoşînê bidomînim.”
Bi pêşengtiya Platforma Gelan a Ewropayê dê li zêdetirî 30 welatan bi beşdariya 700 delegeyan dê di navbera 14-16’ê Sibatê de li paytexta Awûstûryayê Viyanayê bi şîara “Em înîsiyatîfê paşde bigirin” civîn bê lidarxistin.
Hejmara 268’emîn a rojnameya Xwebûnê bi manşeta “Gavên şênber lazim in” derket.
Di çalakiya li dijî xespkirina îradeyê ya li Sêrtê de wiha hate gotin: “Heke çareseriyê bixwazin wê demê bila destkeftiyên gelê Kurd nas bikin û êrişan tavilê bidin sekinandin.”
Hevserokê KCD’ê Berdan Ozturk bang li îktîdarê kir ku dev ji dijminatiya li Kurdan bede û got: “Hêviya me ne Erdogan ne jî Devletî Bahçelî ye. Hêviya me Rêberê Gelê Kurd Abdullah Ocalan e.”
Rêxistina Mafên Mirovan a Îranê ji NY’ê re nameyek şand û diyar kir ku Wezareta Îstîxbaratê bi filmê der heqê Werîşe Mûradî û Pexşan Ezîzî de parve kirî re hewl dide cezayê îdamê rewa nîşan bide û bertek nîşan da.