Meclisa Şaredariya Bajarê Mezin a Amedê, ji bo Narîn Guran a ku mafê jiyana wê hat binpêkirin, bi deqeyeke rêzgirtinê civiya. Hevşaredara Bajarê Mezin Serra Bucak li meclîsê axivî û got, "Em li vir vê hovîtiya rêxistinbûyî ya ku keçeke 8 salî qetil kir, şermezar dikin."
Li navçeya Cîzirê zarokê 18 mehî Mehmet Aytûn ji ber fîşeka xaza îsotê ya leşkeran avêtiye jiyana xwe ji dest da. 15 sal piştî bûyerê biryara keşifkirina cihê bûyherê hate dayîn.
Li Colemêrg û Erziromê ji bo Narîn Guran daxuyanî hat dayîn û wiha hat gotin: “Em ji bo Narîna 8 salî edaletê dixwazin. Em ê ji bo zarokan jiyanek azad û nû ava bikin.”
Cenazeyê Selman Dagdelen (Piling Devran) ê li Çiyayê Bagokê di êrişa hewayî de jiyana xwe ji dest dabû hate veşartin. Hate diyarkirin ku cenazeyekî din jî li morgê tê sekinandin.
Partiyên siyasî, rêxistinên sivîl û aktîvîstên mafên mirovan ên rojhilatê Kurdistanê bi boneya salvegera qetilkirina Jîna Emînî ji bo 16’ê îlonê banga greva giştî ya li Îranê kirin.
Girtiya siyasî Sara Dêldar di girtîgehek Îranê de ku nehatiye dermankirin, jiyana xwe ji dest da.
Dadgeha Hewlêrê cezayê muebedê li kujerên endamê KNK’ê Denîz Cevdet Bulbun birî.
Nevzat Bahtiyar ê îtîraf kiribû ku cenazeyê Narîn Guranê di nava tûrikekê de xistiye robarî de sewqî edliyeyê hate kirin.
Emîne Şenyaşar di roja 20’emîn a çalakiya xwe ya li Meclisê de daxwaza xwe ya edaletê dubare kir.
Danişîna doza keçika êzidî ku DAIŞ’ê li ser înternetê wê dabû ber firotinê hat taloqkirin.
Serokwekîlên Koma DEM Partiyê Sezaî Temellî û Gulistan Kiliç Koçyîgît ji bo lêkolînkirina mirina Narîn Guran pêşniyaznameya lêkolînê da Serokatiya Meclisê.
SSerokwekîla Koma DEM Partiyê Gulistan Kiliç Koçyîgît wiha got: “Rastiyên li pişt mirina Narînê bi awayekî zelal bi raya giştî re parve bikin.”
Rêxistinên DBP’ê û DEM Partiyê yên Agiriyê di meşa ji bo mafê perwerdehiyê ya zimanê dayikê kirin de wiha gotin: “Mafê perwerdehiya bi zimanê dayikê weke pirsgirêkeke sed salan hêj berdewam dike.”
Ahmet Kaganarslan ê ku piştî 32 salan ji hepsê hat berdan got: “Me serî netewand. Em bi şerefa xwe derketin.”
Rêxistinên hiqûqê yên beriya danişîna doza keçika êzidî ya ji aliyê DAIŞ’ê ve hate revandin û li Tirkiyeya ku anînê hate firotin daxuyanî dan, wiha got: “Heke bi rastî hûn bikarin ji bo tiştekê şer bikin divê ew ji bo zarokan be. Êdî bes e.”