Navenda Lêkolîn û Parastina Mafên Jinan a li Sûriyê eşkere kir ku komên çekdar ên girêdayî Tirkiyeyê li Efrînê 66 jin kuştin û zêdetirî 149 jin revandin. Navendê destnîşan kir ku 178 jin jî di îşkence û destdirêjiyê re derbas bûne.
Berdevka Meclîsa Jinan a HDP'ê Ayşe Başaran têkildarî tecrîde got: ''Tecrîd li vî welatî bû navê şer. Tecrîd li vî welatî bû navê îşkenceyê û tune hesibandina kurdan."
Jinên ciwan li dijî projeya Serokomariyê ya "Zanîngehên Jinan" derketin û diyar kirin ku eger Zanîngehên Jinan bê vekirin dê tacîz û tecawizê bê rewakirin. Jinên ciwan bang li hemû hêzên muxalif kirin ku têkoşina hevpar xurt bikin.
Fatma Erşen Unsuren, piştî ku giliya zilamê tundiyê lê dikir kir bû bersûc, diyar kir ku dema ku tundî lê hatiye kirin gelek caran li polisan geriyaye lê polis li hewara wê nehatine.
Li Edeneyê 2 endamên Meclîsa Jinan a Edeneyê bi boneya wêneyên jinên hatine qetilkirin daliqandin e 24 hezar lîre cezayê pereyan li wan hat birîn.
Endama Desteya Weşanê ya Kovara Jineolojiyê Parêzer Rûşen Şeydaoglû, civakîbûn, stûna xweparastinê ye û got: "Heger nêrîneke demokratîbûyî û nêrîneke civakî ya li ser asasê jinan bê avakirin, dê pêdivî bi xweparastinê nemîne."
Şaredarê Kaniya Xezalan Mehmet Yalçinkaya yê AKP’î, di weşana televîzyonekê de ji bo rexneyên li hemberî xwe ev tişt got: “Weke jinan kurtepistî nabe.”
Denîz Demîrtaşoglû ku jiyana li bajêr û kodên civakiyî yên tên ferzkirin red kiriye, ji xwe re li gund erdek kirî û çewlikek ava kiriye. Demîrtaşoglû, xwest jin bi hêza xwe bawer bin.
Rukiye Ay ku ji ber tahdeya sîstematîk bi giranî birîndar bûbû, bang li dewletê kir ku cezayên giran bê birîn û ji jinan re jî got: "Netirsin, dengê xwe bilind bikin."
Parêzera feminîst Fatoş Hacivelîoglû, diyar kir ku ji ber mekanîzmayeke çalak tune ye jin di navbera "mirin an jî kuştinê" de hatine asêkirin û got: "Di TCK'ê de jî xweparastin awayekî bêcezatiyê ye."
Aktîvîsta TJA’yê Sûna Kaymaz, diyar kir ku wan di çarçoveya kampanyeya “Em xwe diparêzên” de, li Stenbolê bi 5 hezar jinan re hatin gelhev û got: “Bersiva me ya li dijî hemû êrîşan diyare; berxwedan e.”
Komeleya Jinan a Starê, rapora sala 2020'an aşkere kir. Rêveberên komeleyê anîn ziman ku 24 jinan serî li komeleya wan dane û jinên serî li wan dane herî zêde bi tundiya derûnî re rû bi rû mane.
Îtîraza ji bo girtina Melek Îpek a ku Ramazan Îpekê bi awayekê pergalî tundî li wê û zarokên wê dikir, parastina çewherî bikar anîbû û kuştibû, ji aliyê 1’emîn Dadgeha Cezayê Sûlhê ya Antalyayê ve hat redkirin.
Berdevka TJA’yê Ayşe Gokkan diyar kir di biryara hêceta Leyla Guven de ku “civaka dayiksalarî” ku wek sûcê “nefretê” htiye nîşandan xwedî lê derdikevin û ew jî wek hevkarê vî sûcî xwe îxbar dikin û got. “Niha jî dixwazin şikestina sêyemîn a zayendê pêk bînin.”