Meclîsa Jinan a HDP’ê starta kampanya “Ji Bo Jinan Edalet” da. Berdevka Meclîsê Ayşe Acar Başaran destnîşan kir ku ew ji bo jinên girtî, li dijî tecrîdê, tevkujiya jinan, pergala qeyûman, feqîriyê, tundiyê, zextên li ser jinên ciwan û talankirina xwezayê û parastina jiyanê dibêjin edalet.
Meclîsa Jinan a HDP’ê têkildarî tecrîdê xwestin li ber Gîrtîgeha Amedê ya Tîpa D daxuyaniya çapemeniyê bide, lê polîsan bi hêceta pandemiyê daxuyaniyê asteng kir.
Li Stenbolê jinan ragihand ku wê di çarçoveya çalakî û bernameyên 8’ê Adarê de dê di 5’ê adarê de li navçeya Kadikoyê bin.
Dayikên Laçikspî ji bo grevên birçîbûnê yên girtiyan bang kirin: "Berî ku mirin çêbibe, divê deriyên Îmraliyê vebin."
Jinên siyasetmedar diyar kirin ku pêwistiya civakê bi edaletê heye û gotin ku têkoşîna li dijî tecrîdê ji têkoşîna civakî ne cûdatir e.
Qeyûmên tayînî şaredariyên HDP’ê hatine kirin bi gotina “ne hewce ye” miduriyetên jinan ya digirin an jî bêfonksiyon dihêlin an jî radestî zilaman dikin. Hevşaredara Qelqeliyê Dîlan Orencî got ji reng û hêza jinan ditirsin.
Endama EŞÎK’ê Fatma Aytaç, diyar kir ku 3 sal in Tirkiye rapora GREVÎO’yê ku bal dikişîne ser kêmasî û astengiyên têkoşîna li dijî tundiya li ser jinan wernagerîne û ev tişt got: “Wergerandina raporê tê wateya pêkanîna Peymana Stenbolê.”
Meclîsa Jinan a KESK’ê ya Amedê diyar kir ku xwedekarên Zanîngeha Bogazîçiyê sekneke bi rûmet nîşan didin û got: “Em dest ji têkoşînê bernadin û em ê qet serê xwe netewînin."
SKB’ê têkildarî 8’ê Adarê Roja Jinan a Cîhanê daxuyaniyek da û diyar kir ku wê li dijî cînayetên jinan, ji bo ji tundiya zilma û dewletê re bêjin bes wê 8’ê Adarê bi greva jinan pêşwazî bikin.
Li navçeya Posofê ya Erdexanê kesê bi navê Cemîl Akbulut jibira xwe Gonca Akbulut bi sîlehê qetîl kir.
"Jina ku ji bo zanistê miriye" Marie Curie, tekane jin e ku xwediyê du Xelatên Nobelê ye. Curie, elementên polonyûm û radyûmê keşf kirine û ji pîşesaziyê heya bi teknolojiya fezayê, ji tibê heya bi endustriyê di gelek qadan de mifha wê li mirovahiyê bûye.
Jinên Dersîmî yên li dijî polîtîkayên bişaftin, tundî û tunekirinê li çand, bawerî û ziman xwedî derdikevin, di meha Xizir de bi xebatên hunerî pêşengiyê dikin. Jinan diyar kirin ku îsal duayên wan ji bo aştî û mirovahiyê ye.
Mehmet Buyuk ê 8 roj berê li Navçeya Yenîşehîra Amedê Sureyya Buyuk kuşt hat girtin.
Di lêpirsîna Medîne Ok Kara de, piştî sê sal û nîvan, telefon û komputera gumanbar Ahmet Kara hatin vekolandin.
Melek Îpek a di parastina cewherî de Ramazan Îpek kuşt û hat girtin, bi rêya parêzerên xwe peyam şand û got: "Êdî keçên min bêtir aram in.