Jinên ku me ji bo 8’ê Adarê mikrofona xwe dirêjî wan kir, bal kişandin ser sedemên zêdebûna tundiya zilam û ev bertek nîşan dan: “Bila polîtîkayên necezakirinê bi dawî bibin. Peymana Stenbolê bê cih anîn û em dixwazin di kolanan de azad bigerin.”
Bi hezaran jin bi boneya 8'ê Adarê Roja Jinan a Cîhanê, di çerçoveya bernameya 8'ê Adarê de li Kobanê û Hesekê meşên girseyî li dar xistin.
Bi pêşengiya TJA’yê û Meclîsa Jinan a HDP’ê di çarçoveya 8’ê Adarê de li gelek bajaran çalakî û şahî hatin lidarxistin. Jinan destnîşan kir ku ew ê li ber êriş û zextên îqtîdarê rabin û dest ji têkoşîna xwe bernedin.
Jin Bi Hevre Bi Hêzin, bertek nîşanî astengkirina çalakiyên xwe da û bang kir ku polîs û walitî dest ji astengkirina bikaranîna mafên wan ên demokratik berdin.
Di çarçoveya xebatên 8'ê Adarê de TJA'yê li Cizîrê bernameya dengbêjiyê li dar xist.
Dayika Aştiyê Adalet Çay a ku 5 mehin di hepsa malê de ye, kelepçeya elektronîk li piyê wê xistin. Çay a bertek nîşanî vê pêkanînê da, wiha got: “Ji ber ku min aştî xwest, lingê min kelepçe kirin.”
KCDP daneyên tundiya zilam ku her meh aşakera dike wê vê mehê aşkera neke.
Kader Yontem a bi gef û tundiya Rustem G. re rûbirû maye dibêje “ez pir ditirsim” û dixwaze dengê wê were bihîstin.
Di rapora Budçeya Navendî ya 2021'ê de tê îdiakirin ku "194 navendên jinan hatine vekirin." Lê belê Hevberdevka Desteya Rêvebiriyên Xwecihî ya Demokratîk a HDP'ê Hediye Karaaslan, destnîşan kir ku ev ne rast e û pirsî: "Ev 194 saziyên jinan ka li ku ne?"
JINHA ku bi dirûşmeya "Û em dinivîsin. Mêr çi difikirin bila bifikirin, em dinivîsin" çapemeniya zayendparêz deşîfre û li ber qalibên heyî rabû, 9 sal li dû xwe hiştin. Berdevka Platforma Rojnamevanên Jin a Mezopotamyayê û edîtora Jinnewsê Ayşe Guney got: "Jinên dadikevin kuçeyan ji me, em jî ji wan hêzê digirin."
Jinek ji vir 36 sal berê bû mêvanê Cizîriyan. Çarenûsa navçeyê guhert. Ev jina serhildêr Binevş Agal (Bêrîvan) e. Navê xwe ji destana kurdî ya “Cembeliyê Mîrê Hekkarî û Binevşa Narîn” digire. Wek jinek berxwedêr ji bo jinan bû rêbera destanek lehengiyê.
Polîsan bi ser mala aktîvîsta TJA’yê Berîtan Onen de girtin û binçav kirin.
DAKP'ê, starta çalakiyên 8'ê Adarê Roja Jinên Cîhanê da û got: "Em baş dizanin ku wê desthilatdariya zilam tune bibe. Ev tunebûn wê bi têkoşîna jina pêk were."
Aktivîstên TJA û Meclîsa Jinan a HDP’ê, li gelek bajaran çalakî li dar xistin û starta 8’ê Adarê Roja Jinên Cîhanê dan. Jinan di çalakiyên pêk anîn de, gotin; “Emê bi hezaran jinan re kolanan tije bikin. Wê têkoşîna me dewam bike.”
Şenol Ş. li Bûrsayê û Necatî O. li Enqerê du jin bi giranî birîndar kirin. Necatî O. piştî bûyerê hat binçavkirin û Şenol Ş. jî, ji cihê bûyerê revaiya.