Berdevka Meclisa Jinan a HDP'ê Ayşe Acar Başaran, encamên hevdîtinên "Ji xizaniya jinan re na" ku parve kir, diyar kir ku li navçeya Kuluyê li 13 konan 150 kes bi hev re dimînin û wê destûrê nedin xizaniya jinan.
Li navçeya Mûratpaşa cenazeyê jina bi navê Necla Ozkan di behrê de hat dîtin.
Civaknas Bîrgul Avdan, tundiya ku li Sîbel Kaman a ji aliyê hevjînê xwe yê berê ve hatibû qetilkirin hatibû kirin ragihand û ev tişt got: “Êdî bangî dewletê dikim, lewre naparêze. Bangî rêxistinên jinan dikim; an em ê têbikoşin hesap bipirsin an jî em ê her roj bên qetilkirin.”
Jinên ku li dijî êrişan têkoşîna xwe ya birêxistinkirî dihonin, bi şîara “Li dijî êrişên birêxistinkirî, berxwedana birêxistinkirî” xwe ji bo mîtînga mezin a Stenbol û meşa li Enqerê bê lidarxistin amede dikin.
Sumeyye Avci ya KHK’î ku piştî hevpeyvîna kuçeyê bi sûcdariya “propagandaya rêxistinê” hat binçavkirin û ev tişt got: “Kîngê bûm muxalîf, cuda fikirîm û dest bi fikirandin û pirskirinê kir, wê demê ‘terorîst’ hatim îlankirin.”
Gada Galatasarayê ku Dayikên Şemiyê û Xizmên windayan 26 sal berê ji bo winda bên dîtin û kujer bên darizandin lê dest bi çalakiyê kiribûn, 3 sal in di dorpêça polîsan de ye û ji çalakiyan re hatiye qedexekirin. Dayika Şemiyê Hanim Tosun anî ziman ku ew qad ji bo wan bûye wekî gora zarokên wan û got: "Bawerî û heviyên me mezin in. Em tu carî dest ji vê qadê bernedin."
Li navçeya Ayvalikê jina bi navê Bîrgûl Ç. hat qetilkirin û cendirme weke gumanbar li Yildiray Ç. digerin.
Ji parêzerên femînîst ên ji bo berdana Nevîn Yildirim a ku li dijî tecawîza birêkûpêk mafê xwe yê parastina rewa bikar anîbû, serî li AYM’ê dan Oya Merîç Ayuboglû, diyar kir ku wan nediyariya hiqûqî birin AYM’ê û got: “Me xwest ev nediyariya hiqûqî ji holê bê rakirin.”
Jina bi navê M.Ş., a hat îdîakirin ku li Farqînê xwestiye întîhar bike, jiyana xwe ji dest da.
Weqfa Stargeha Jinan a Mor Çatiyê ji bo biryara rakirina ji meriyetê ya Peymana Stenbolê bê rawestandin serî li Şûraya Dewletê da.
Li gundê Fêra yê navçeya Farqînê jina bi navê M.Ş. hewl da dawî li jiyana xwe bîne.
Endamên Meclîsên Jinan ên HDK’ê û HDP’ê, di bin dorpêça polîsan de ji bo Doza Kobanê şermezar bikin daxuyanî dan.
Li Qayseriyê, bi hinceta ku daxwaza wî ya hevaltiyê red kiriye zilamê bi navê Tolga Temûr, jina bi navê Arîfe Nûr Sarioglû qetil kir.
Aktivîsta TJA'yê Zozan Aksu diyar kir ku li herêmê zêdebûna tundî û kuştinên jinan encamên polîtîkayên şer in û ev got:"Em ê li herêmê bi tekoşîna xwe vê hişmendiya ku bi polîtîkayên şer mirin û tundiyê ji jinan re rewa dibîne teşhîr bikin."
Meclîsên Jinan ên KCDP’ê, biryarên xwe yên di civîna endamên platformê ya di çarçoveya têkoşîna dema nû hat lidarxistin de girtibûn aşkere kirin. Jinan, diyar kirin ku ew ê li tevahiya welat çalakiyên xwe dewam bikin û gotin: “Em ê li her derî pêşberî wan bin.”