Meşa Meclisa Ciwanan a Partiya Wekhevî û Demokrasiyê ya Gelan (DEM Partî) bi dirûşmeya "Em bi civaka demokratik ber bi azadiyê ve dimeşin" da destpêkirin, li navçeya Pirsûs a Rihayê didome. Ciwanan, Mustafa Dagê ku tevî Mahsûm Karaoglan ê di "Meşa Rêwîtiya Ber Bi Rojê Ve" de di 4'ê Nîsana 2009'an de hatibû qetilkirin, li ser gora wî bibîr anîn. Ciwanan li gundê Qerûkê qurnefîl danîn ser gora Dag û ew bi bîr anîn.

 

Endama Koordînasyona Jin ên Ciwan ên DEM Partiyê Elîf Çoban li bîranînê axivî û diyar kir ku ew têkoşîna Mûstafa Dag dewam dikin.

 

Bavê Mûstafa Dag Salîh Dag jî got: "Roja ku kurê min hate qetilkirin em li înşaetê dixebitîn. Mûstafa dema ku meşvanên Amarayê yên ji Amedê û Rihayê hatin dît, yekser tevlî wan bû. Dema ku me xwest wî asteng bikin got, 'Ez ji şehîdên din ên Kurdistanê ne hêjatir im'." Bîranîn bi dirûşma 'Şehîd namirin' bi dawî bû.

 

Ciwan piştre li Rêxistina Navçeya Pirsûsê ya DEM Partiyê li hev kom bûn û name ji Rêberê Gelê Kurd Abdullah Ocalan re şandin.

 

Çalakiya ciwanan wê bi meşa ber bi Navenda Çandê ya Amara dewam bike. 

 

Ciwan wê piştre ber bi Amarayê ve bi rê bikevin.