Wezîrê Karên Derve yê Amerîkayê Antony Blinken diyar kir ku welatê wî li dijî her operasyoneke leşkerî ya Tirkiyeyê li rojavayê Kurdistanê ye û dê operasyona leşkerî ya muhtemel nebe berjwendiya tu kesî.
Wezîrê Karên Derve yê DYA’yê Antony Blinken heta 31’ê çileyê dê li Misir, Îsraîl û Şeriaya Rojava hevdîtinan bike.
Li bakurê Zelandaya Nû ji ber baranên zêde lehî rabû. Hat zanîn ku di encama lehiyê de 4 kesan jiyana xwe ji dest dan.
Li Efxanistanê ku di bin rêveberiya Talîban de ye, ketina ezmûnên zanîngehê li xwendekarên jin hate qedexekirin.
Serokwezîrê Iraqê Muhammed Şiya Sûdanî bi Serokkomarê Fransayê Emmanuel Macron re hevdîtin kir.
Lîstikvana sînemayê ya Îranî Haniye Tavasli, aşkere kir ku Mîhrîcana Fîlman a Fecrê ya her sal li Tehranê tê lidarxistin boykot dike.
Hevserokê Navenda Civaka Kurd a Cenevreyê Erdal Atasoy bibîr xist ku Komploya 15’ê Sibatê dikeve sala 25’emîn û ji bo beşdariya li meşa dirêj bang kir ku wê di 6-11’ê Sibatê de ji Cenevreyê heta Strasboûrgê bi pêşengiya enternasyonalîstan bê lidarxistin.
Çalakiya kurdan li dijî tecrîda li ser Rêberê PKK’ê Abdullah Ocalan li ber Konseya Ewropayê daye destpêkirin di roja 3’yemîn de berdewam dike.
Wezîrê Karên Derve yê Fînlandiyayê Pekka Haavisto, ji bo hevdîtinên di navbera Swêd-Fînlandiya-Tirkiyeyê de diyar kir ku pêwîst e navber bê dayîn.
Hat diyarkirin ku helîkoptereke leşkerî ya artêşa Cezayîrê, li bakur rojhilatê welêt, li bejahiya Ayn Deflayê ketiye xwarê û 3 kes mirine.
Li Herêma Xweser a Tîbetê ya Çînê aşût bi ser otorêyê de hate xwarê û di encamê de 28 kesan jiyana xwe ji dest dan.
Meclîsa Almanyayê bi yekdengî pêşnûmeqanûna ku qirkirina êzidiyan nas dike, qebûl kir. Endama Partiya Çepgir Dagdelen, rexne kir ku çima YPG’ê ku êzidî rizgar kirine, nehatiye bibîrxistin.
Wezîrê Fînansê yê Erebistana Siûdî diyar kir ku dê piştgiriya wan a ji bo welatên “Bêparastin” ên weke Tirkiye, Pakistan, Misir û hwd. bidome.
Wezîrê Karên Navxweyî yê Ukraynayê Denis Monastirskiy di helîkopterêa nêzî Kievê ku ket xwarê de jiyana xwe ji dest da.
Enstîtûya Kurd a Washingtonê gefên Serokkomarê AKP’î Tayyîp Erdogan ên li Bakur û Rojhilatê Sûriyeyê xwarin berhev kir.