Serokê Odeya Dermanfiroşên Wan-Bedlîs-Colemêrgê Hayrûllah Fikret Baransel, diyar kir ku krîza dermanan li Tirkiyeyê bûye pirsgirêkeke kronîk û got: “Nexweş nikarin bigihîjin mafê xwe yê tenduristiyê û dermanfiroş li ber topavêtinê ne.”
Cotkarên Deşta Mezopotamyayê ji ber qeyda xwe li TMO’yê çênekirine nikarin zadê xwe bifiroşin. Hat zanîn ku LÎDAŞ zad bi erzanî ji cotkaran dikire û bi awayek biha difiroşe TMO’yê. Cotkaran got ew dixebitin TMO jî kar dike.
Sewalvanên Bazara Heywanan a Wanê diyar kirin ku ji ber krîza aborî êdî kes nikare heywanan bikire û bifiroşe û xwestin ku qedexe û ambargoyên ku dibin sedema kûrbûna xizaniyê bên rakirin.
Çalakiya karkerên li Ataşehîrê ji bo mafên xwe bi dest bixin têdikoşiyan bi ser ket.
Esnafên Golanê diyar kirin ku her roj bi zemên nû hişyar dibin û wiha bertek nîşan dan: “Ji bo ku ev krîz ji holê rabe divê îktîdar biguhere. Ji bilî vê tu rêyên din nînin.”
Endamên DÎSK’ê yên di salvegera 53’yemîn a berxwedana 15-16’ê Hezîranê de ji bo mafên xwe derketin qadan wiha gotin: “Beriya 53 salan û piştî 53 salan jî xelasî di yekitiya me de ye, xelasî di têkoşîna me ya hevpar, di destên me de ye.”
Karkerên li Ataşehîre ji bo mafên xwe li ber xwe didin, roja çalakiya xwe ya 4’emîn de dîsa hatin binçavkirin.
Ajokarên mînîbusan diyar kirin ku qezenca wan tevek ji bo sotemeniyê diçe û wiha bertek nîşan dan: “Heta ku ev ser serê me bin dê halê me ev be.”
Esnafên Sûka Girtî ya dîrokî ya Rihayê ji ber krîza aborî bi gilî û gazin in. Esnafên sûkê diyar kirin ku 2 hefte ji Cejna Qurbanê re maye, lê sûka ku berê ji mirovan xalî nedibû, niha vala ye.
Karkerên înşaetê yên ku Koma Şîrketan a Îzomasê û fîrmayên YDA’yê mafên wan “xesp” kirin hatin binçavkirin.
Aborînas Mûstafa Sonmez diyar kir ku bi rabûna dovîzê re dê rêjeya enflasyonê ji sedî 60 zêdetir bibe û piştî meha hezîranê de pêleke nû ya zemê dest pê bike.
Li Nexweşxaneya Diranan a Zanîngeha Dîcleyê, xebatkarên tenduristiyê li du klînîkan tên xebitandin û ji yên li ber vê mobbîngê radibin jî wiha tê gotin: "Ger ne bi dilê we be îstifa bikin."
Komîsyona Tespîtkirina Kêmtirîn Mûçeyê civîna xwe ya ewil li dar xist lê reqemek parve nekir.
Li ser rêgeha Marmaray Zeytînburnu-Yenîmahalleyê trênê li xebatkarê rêhesinê Vedat Guçtekîn da. Di qezayê de Guçtekîn jiyana xwe ji dest da.
Platforma Şaxan a KESK’a Edeneyê xwest ku tazmînatên erdhejê yên kedkarên cemaweriyê yên bajar bên dayîn.