ÎZMÎR - Jina bi navê Selen S. a li navçeya Çîglî ya Îzmîrê dima, ji aliyê destgirtiyê xwe yê berê Necat Y. ve hat qetilkirin.
Selen S. (41) a ku li navçeya Çîglî ya Îzmîrê dima, ji aliyê necat Y. (35) ve bi çekê hat qetilkirin. Di heman êrîşê de dayika Selen S. M.S.K (70) birîndar bû, kiryar Necat Y. jî xwe kuşt.
Piştî ku cîranan agahî dan ekîbên tenduristiyê hatin cihê bûyerê û tespît kirin ku Selen S. miriye, dayika wê M.S.K a birîndar û êrîşkar Necat Y. jî rakirin nexweşxaneyê.
Dema ku tedawiya dayika M.S.K dewam dikir, Necat Y. li nexweşxaneyê jiyana xwe ji dest da.
Der barê bûyerê de lêpirsîn hat destpêkirin.