RIHA - Li Xelfetiyê bi deh hezaran kesên li hev kom bûn, 76’emîn rojbûna Abdullah Ocalan bi meşa ber bi Amarayê ve pîroz kirin. Fatma Ablay a TJA'yî got: "Divê Enqere vê vînê nas bike û demildest gavan bavêje."
Festîvala 4’ê Nîsanê ya ku bi pêşengiya Platforma Saziyên Demokratîk bi boneya 76’emîn rojbûna Rêberê Gelê Kurd Abdullah Ocalan li navçeya Xelfetî ya Rihayê hatlidarxistin. Di roja duyemîn de didome. Girseya ku danê sibehê de li Parka 4'ê Nîsanê kom bû, paşê bi pêşengiya Tevgera Jinên Azad (TJA) dest bi meşê kir.
Di meşê de bi deh hezaran kes, Partiya Herêmên Demokratîk (DBP), parlamenterên Partiya Wekhevî û Demokrasiyê ya Gelan (DEM Partî), hevşaredarên DEM P?artiyê, endamên Meclisa Dayikên Aştiyê û meşvanên Amarayê amade bûn. Wêneyên Mustafa Dag û Mahsum Karaoğlan ên di sala 2009'an de di meşa "Rêwîtiya Ber bi Rojê ve" ya ber bi Amarayê ve hatin qetilkirin û her wiha dowîzên li ser "Rêberê me heqiqata me ye", "Rojbûna tê pîroz bê ey Serok Apo", "4'ê Nîsanê dengê heqîqetê ye", "Tu bi rê ve dibî, şikir ji qudreta te re" û "Hezar silav li roja ku li Amarayê hilat" nivîsandî hatin hilgirtin.
Jinên ku pêşengiya meşê kirin bi pankartên "Jin, jiyan, azadî" û "Hezar silav li roja ku li Amarayê hilat" yên bi bi wêneyê Abdullah Ocalan meşiyan. Meşa ku bi dirûşmeya “Rojbûna tê pîroz bê ey Serok Apo” dest pê kir, bi dirûşmeya “Bijî Serok Apo”, çepik û sirûdan berdewam kir. Dayikên Aştiyê yên ku beşdarî meşê bûn jî, bi şaxên zeytûnê meşiyan. Dema ku meş li derketina bajêr bi dawî bû, girseya gel li wir govend gerand û bi stranên kurdî govend gerand.
Aktîvîsta TJA'yê Fatma Ablay ku li vir axivî, diyar kir ku 4'ê Nîsanê ji bo gelê kurd rojeke girîng e û got: "Em îro ji bo Rêber Apo li vir in, lê bi rastî em ji bo hebûn û tunebûna xwe li vir in. Nasname, ziman û hebûna kurd nedihat naskirin. Bi têkoşîna ku ji aliyê Rêberê Gelê Kurd Abdullah Ocalan ve hat destpêkirin, gelê kurd li cîhanê hat naskirin. Em ji 1'ê Nîsanê û vir ve ji bo azadiya fizîkî ya Rêberê Gelê Kurd li vir in û ciwan meşiyan. Îro ev meşa bi pêşengiya jinan, dê heya Amarayê bidome. Jin derî bi derî behsa 'Nanga Aştî û Civaka Demokratîk' kirin. Niha felsefeya 'jin, jiyan, azadî' li çar aliyê cîhanê belav bûye. Ev, dilsoziya jinan a bi rêbertiya xwe dide der. Daxwaza jinan û gelê kurd zelal e; divê dewlet gavê bavêje."
Paşê, şandeyek ber bi Amarayê ve hat birêkirin.