Şandeya ji Parlamenterê DEM Partiyê yê Mêrdînê Kamûran Tanhan, bavê rojnamevan Nazim Daştan, bavê rojnamevan Cîhan Bîlgîn, endamên Komeleya Hiqûqnasên ji bo Azadiyê (OHD), MEBYA-DERê û Komeleya Rojnamegeran a Dicle Firatê (DFG) pêk tê ji bo cenazeyê rojnamevan Nazim Daştan û Cîhan Bîlgîn werbigirin saet di 16.00ê 6ê Çile de hatin Deriyê Sînor ê Xêbûrê. Lê heyet ji duh ve 24 saetin li ser sînor tên rawestandin û nikarin derbasî başûrê Kurdistanê bibin. Şande ji duh ve li beşa nokteya kontrolkirina pasaportan bi hinceta “Sîstem nîn e” tên sekinandin.

 

'ZAROKÊN ME ROJNAMEGER BÛN'

 

Bavê Cîhan Bîlgîn Nesîm Bîlgîn bi lêv kir ku ew heta cenzeyên xwe nestînin wê li ser sînor bin û wiha got: "Ji duh ve em li vir sekinî ne. Di destpêke de gotin x ray de pirsgirêk heye pişt rê jî gotin sîstema me tüne ye. Lê erebeyên din berdidin me didin sekinandin. Em jî heta cenzeyên xwe nestînin em li vir naçin cihekî. Em li benda agahî ne û heta em biçin em li vir in. Heta xwîn di laşê me de hebe em ê li vir bin. Ez bang li wezareta navxweyî ya dervêyî re dibêjin bila bihelin em biçin cenazeyên xwe bînin defin bikin. Zarokên me rojnameger bûn. Tu sucê wan jî tune bû. Bila cenazeyên me li wir nedin sekinandin û bihelin em biçin cenazeyên xwe bînin. Bila dawî li vê bêhiquqiyê bînin. Ew zilme. Ew ne hiqûqê. Bêhiqûqiyê dikin. Her dû rexan erebe diçin û tên lê me didin sekinandin. Bila gelê me li ser pêyan bin. Em jî heta cenazeyên xwe bînin li vir in dixwazê bila mehekê jî bajo."

 

'DAWÎ LI VÊ BÊHIQÛQIYÊ BÎNIN'

 

Bavê Nazim Daştan Mehmet Alî Daştan jî anî ziman ku ji bo cenazeyê xwe hatinê lê bi hincetên cûda asten dikinê û ev tişt gotin: "Ji me re gotin hûn dikarin biçin cenazeyên xwe bînin. Lê niha jî bi hincetên keyfî me didin sekinandin. Em vê bê hiqûqiyê qebûl nakin. Em bang li wezareta dervê, ya navxweyî û meclise dikin ku destur bidin me em biçin cenazeyên xwe bigrin û bînin defin bikin. Em cenazeyên xwe dixwazin."