MERSÎN - Şûreya Dewletê, îhaleya ku Miduriyeta Herêma Heftemîn a Wezareta Daristan û Çandiniyê ji bo neçîrkirina 39 pezkofiyan kiribû, betal kir.
Di sala 2021'an de Miduriyeta Herêma Heftemîn a Wezareta Daristan û Çandiniyê, ji bo neçîrkirina 39 pezkofiyan îhaleyek derxistibû. Baroya Mersînê, di 28'ê gulana 2021'an li dijî vê îhaleyê serî li 2'emîn Dadgeha Îdareyê ya Mersînê dabû û doza betalkirina îhaleyê vekiribû. 2'emîn Dadgeha Îdareyê ya Mersînê, vê serlêdana baroyê red kiribû û destûra îhaleyê dabû. Li ser vê baroyê, biryara dadgehê li Şûreya Dewletê îtîraz kiribû. 13'emîn Daîreya Şûreya Dewletê, vê îtîrazê nirxand. Daîreyê biryar betalkirina îhaleyê da.