NAVENDA NÛÇEYAN - CENTCOM'ê ragihand ku serçeteyê DAIŞ'ê Abdûlhadî Mahmûd El-Haci Alî hatiye kuştin.
Fermandariya Navendî ya DYA'yê (CENTCOM) ragihand ku li bakurê Sûriyeyê yek ji serçeteyên DAÎŞ’ê Abdûlhadî Mahmûd El-Haci Alî kuştine.
CENTCOM’ê li ser hesabê xwe yê medyaya dîjîtal duh bi şev (17’ê Nîsanê) daxuyaniyek nîvîskî da û got: “Îro di saetên siharê de, hêzên girêdayî navenda DYA’yê rêveberê DAIŞ’ê û plangerê operasyonan Abdûlhadî Mahmûd El-Haci Alî ku li Rojhilata Navîn û Ewropayê ji êrişên terorê berpirse, kuştin e.”
Hat ragihandin ku operasyon ji aliyê hêzên DYA’ya ve bi helîkopterê hatiye kirin û hat diyarkirin ku ev êriş “Piştî nirxandina îstixbarata ku têkildarî komployên DAIŞ’ê yên revandina rayedarên welatên biyanî” hatiye kirin.