ENQERE - Meclisê piştî parlamenteriya Hevseroka KCD'ê û Parlamentera Colemêrgê Leyla Guven Parlamenterê HDP'ê yê Amedê Musa Farisogullari û parlementerê CHP'ê Enîs Berberoglu xist, navê wan bi lez ji malpera Meclîsa Tirkiyeyê (TBMM) rakirin. 

 

Meclîsê parlamenteriya Hevseroka Kongreya Civaka Demokratîk (KCD) û Parlamentera Partiya Demokratîk a Gelan (HDP) ya Colemêrgê Leyla Guven, Parlamenterê HDP'ê yê Amedê Musa Farisogullari û parlementerê CHP'ê Enîs Berberoglu bi hinceta cezayê wan hatiye erêkirin xist. Piştî parlamenteriya 3 parlamenteran xistin, bi lez û bez navê 3 parlamenteran ji malpera Meclîsa Tirkiyeyê (TBMM) rakirin û navê wan di lîstiya kesên parlamenteriya wan bi dawî bûye de bi cih kirin. Li bin navê wan jî nîşeya "Li gorî Destûra Bingehîn wekîltiya wan hat xistin" nivîsîn. Piştî biryarê li meclîsê 58 parlamenterên HDP'ê û 138 parlamenterên CHP'ê ma. Parlamenterên HDP'ê li Meclîsê destên xwe li maseyan xistin û biryar şermezar kirin.