
Emîne Ocakê jiyana xwe ji dest da

2025-07-23 08:33:02


	NAVENDA NÛÇEAYAN - Dayika Şemiyê Emîne Ocak jiyana xwe ji dest da.

	&nbsp;&nbsp; &nbsp;

	Hate ragihandin ku Dayika Şemiyê Emîne Ocakê, jiyana xwe ji dest daye. Di daxuyaniyê Dayikên Şemiyê ya li ser hesabê medya dijîtal X’ê de wiha hate gotin: "Me dengê herî xurt ê bi cesaret û bibiryar ê têkoşîna me ya ji bo heqîqet û edaletê Emîne Ocak, winda kir.”

	&nbsp;

	Di daxuyaniyê de wiha hat gotin: "Agahiyên der barê merasîma cenaze de dê werin ragihandin."

	&nbsp;

	Emîne Ocak dayika Hasan Ocak e, ku di sala 1995’an de bi îşkenceyê hatiye kuştin û cenazeyê wî li daristanên Beykozê yên Stenbolê hatiye dîtin û li goristana bêkesan de hatiye veşartin. Emîne Ocak 30 sal in ji bo edaletê têdikoşe da ku kujerê kurê wê bê darizandin.

	&nbsp;

	&nbsp;