
Rojeva çapemeniya cîhanê merasîma dîrokî bû 

2025-07-11 15:41:42


	&nbsp;

	NAVENDA NÛÇEYAN -&nbsp;Merasîma îmhakirina çekan a Koma Aştî û Civaka Demokratîk, di çapemeniya cîhanê de deng veda.

	&nbsp;

	Komeke PKK’î ya ji 30 kesan pêk dihat, li ser banga Rêberê Gelê Kurd Abdullah Ocalan, merasîma îmhakirina çekan li dar xist. Merasîma Koma Aştî û Civaka Demokratîk, di çapemeniya cîhanê de deng veda.&nbsp;

	&nbsp;

	Ajans û rojnameyên weke Reuters, BBC, ABC News, The Irısh Times, NBC News û hwd., gava hatiye avêtin weke “Gaveke mezin e ku ne tenê Tirkiyeyê, dê bandorê li Rojhilata Navîn bike” nirxand.&nbsp;

	&nbsp;

	Reuters’ê, şewitandina çekan a PKK’ê weke “gavekî sembolîk lê girîng” nirxand. Di nûçeyê de hate destnîşankirin ku li qada merasîmê ewlehiyeke zêde hebû. Bi domdarî ajansê cih da axaftina rayedarekî hikûmeta Tirkiyeyê ku dibêje: “Gavên ji vir û şûnde dê ji bo wê be ku endamên PKK’ê ji hêla yasayî ve tev li civaka Tirkiyeyê bibin û ji bo başkirina civakan be. Her wiha dê gavên ji bo teşwîqkirina lihevkirinê bên avêtin.”&nbsp;

	&nbsp;

	BBC’yê jî bi sernavê “PKK, di rêya bidawîkirina pevçûnên li Tirkiyeyê de gavekî mezin avêt û çek şewitand” parve kir. Di nûçeyê de hûrgiliyên merasîmê hatin vegotin. Di heman demê de kitekitên pêvajoya piştî banga Abdullah Ocalan dest pê kirî jî da û got ku bandora biryara PKK’ê ne tenê li Tirkiyeyê, dê li Iraq, Sûriye û Îranê jî bê hîskirin.&nbsp;

	&nbsp;

	ABC Newsê jî cih da gotina Abdullah Ocalan a “Ne çek lê ez ji hêza siyaset û aştiya civakî bawerim” ku di peyama bidîmen de cih girtibû û daxuyaniya Serokê Giştî yê MHP’ê Devlet Bahçelî ya piştî merasîmê hatiye weşandin.&nbsp;

	&nbsp;

	NBC Newsê jî bi gotina “Merasîm, ji bo bidawîkirina serhildana bi dehan salaye li dijî Tirkiyeyê tê domandin sembolîk e lê gavekî girîng e” nûçeya xwe da.&nbsp;

	&nbsp;

	DW’ê jî di nûçeya xwe de cih da biryara fesixkirinê ya PKK’ê û sedemên avabûna wê.&nbsp;

	&nbsp;

	EV BIRYAR DÊ BANDORÊ LI ROJHILATA NAVÎN BIKE&nbsp;

	&nbsp;

	The Strait Times’ê jî di nûçeya xwe de hûrgiliyên merasîma PKK’ê vegot û diyar kir ku ev biryar dê bandorê li Tirkiye, Iraq, Îran û Sûriyeyê bike.&nbsp;

	&nbsp;

	The Seattle Timesê jî destnîşan kir ku merasîma hatiye lidarxistin, gava ewil a şênber ya pêvajoya bêçekbûnê ye û cih da helwesta Bahçelî ya berê ya li dijî PKK’ê û daxuyaniya wî ya piştî merasîmê.&nbsp;

	&nbsp;

	Al-Monitorê jî nûçe bi sernavê “Şervanên Kurd di merasîmeke girîng de çekên xwe îmha kir” ragihand. Di nûçeyê de wiha hate gotin: “Merasîm, nîşaneya qonaxa derbasbûna serhildana çekdarî ya Partiya Karkeran a Kurdistanê (PKK) ya siyaseta demokratîk e û parçeyeke berfireh a hewldana ji bo bidawîkirina pevçûnên demdirêj in li herêmê didomin tê dîtin.”&nbsp;

	&nbsp;

	The Irısh Timesê jî di nûçeya xwe de got ku merasîma PKK’ê piştî banga Abdullah Ocalan hatiye lidarxistin û dê bandoreke mezin li Tirkiye û Rojhilata Navîn bike.&nbsp;

	&nbsp;