
Iraqê qada xwe ya hewayî ji hemû balafiran re girt 

2025-06-13 09:04:03


	&nbsp;

	NAVENDA NÛÇEYAN - Wezîrê Veguhestinê yê Iraqê diyar kir ku tevahiya geştên hewayî ji bo demekê dane sekinandin.&nbsp;

	&nbsp;

	Piştî êrişa vê sibehê ya Îsraîlê ya li dijî Îranê, Iraqê ji bo ewlehî û metirsiya egera êrişên li nav Iraqê tevdîran digire. Wezareta Veguhestinê ya Iraqê bi daxuyaniyekê ragihand ku geştên hewayî li hemû balafirgehên Iraqê bi tevahî hatine rawestandin.

	&nbsp;

	Her wiha hate diyarkirin ku qada hewayî ya welêt ji ber aloziyên ewlehiyê yên herêmî bi awayekî demkî hatiye girtin. Daxuyaniya Wezaretê de wiha hate gotin: “Ji ber aloziyên ewlehiyê yên li herêmê û ji bo ewlehiya geştên sivîl ên li qada hewayî ya Iraqê were mîsogerkirin, trafîka hewayî hatiye rawestandin û qada hewayî bi demkî hatiye girtin da.”

	&nbsp;

	Her wiha heman daxuyaniyê de hate diyarkirin ku Şîrketa Giştî ya Xizmetên Seferên Hewayî ya Iraqê gav bi gav dest bi valakirina hemû balafirên ku digihîjin Iraqê, ji Iraqê derdikevin û qada hewayî ya Iraqê bikar tînin kiriye. Hate ragihandin ku ev tedbîr ji bo parastina ewlehiya rêwiyan hatiye girtin.

	&nbsp;