ROJEVA 26'Ê GULANA 2025'AN 

2025-05-26 09:00:03


	 

	 

	 

	* Berdevkê Komeleya Çanda Civakî ya Nûjînê Homer Feizî diyar kir ku heta ku zimanê Kurdî ji dagirkeriyê rizgar nebe, dê azadiya ramanê pêk neyê.

	 

	* Endama PACE'yê Laûra Castel têkildarî pêvajoyê ev tişt anî ziman: "Weke gava destpêkê divê Birêz Ocalan azad bibe û ne li girtîgehê, divê xwedî derfet be ku van hevdîtinan di heman astê de rû bi rû bimeşîne."

	 

	* Girtiyê nexweş Îbrahîm Tekîn (67) dema hat binçavkirin di bin çavan de diranên wî hatin rakirin, testîsên wî hatin teqandin û ji ber pirsgirêka nefes wergirtinê bi tûpa oksîjenê jiyana xwe didomîne. Parêzer Ozcan Sarioglu anî ziman ku tahliyeya muwekilê wî 11 mehan hatiye taloqkirin û bi jiyana muwekilê xwe bi fikar e. 

	 

	* Serokê DGD-KON'ê Abdulhakîm Daş got ku ji bo çareseriya pirsgirêka Kurd divê li ser bingeha welatîbûna wekhev hewldan hebin.

	 

	* Firat Nebîoglû li Girtîgeha Hejmar 1 a bi Ewlekariya Bilind a Amedê tê ragirtin. Rapora Nebîoglû ya “Ji sedî 92 astengdar e” û nexweşiya wî ya gurçikan hene û rewşa wî her ku diçe girantir dibe. 

	 

	* TJA dê di 28-29’ê Gulanê de li Amedê 1’emîn Konferansa Parlamenterên Jin ên Kurd li dar bixe.  Çaglar Demîrel a TJA’yî got ku ew ê ji bo avakirina civaka demokratîk, hewl bidin xeta têkoşîna hevpar ava bikin. 

	 

	* Endamê CPT'yê Kameran Osman diyar kir ku Tirkiyeyê di 5-7'ê Gulanê dema PKK'ê kongreya xwe li dar dixist 61 û di roja biryarên kongreyê hatin aşkerakirin de jî 94 caran êriş kiriye. Osman, got: "Domandina êrişan, aştiyê dereng dixe û pêşiya pêvajoyê digire." 

	 

	* Şaxa ÎHD'a Amedê dê têkildarî pêvajoya nû li avahiya şaxê daxuyaniyê bide. (13.00) 

	 

	* Serokwekîla Koma DEM Partiyê Gulistan Kiliç Koçyîgît dê têkildarî geşedanên di rojevê de li Meclisê daxuyaniyê bide. (13.30) ZINDÎ