
Li Atînayê Konferansa Pirsgirêka Kurd û Pêşketinên li Rojhilata Navîn 

2025-05-24 11:54:36


	&nbsp;

	NAVENDA NÛÇEYAN - Li Atînayê konferansa bi sernavê 'Pirsgirêka Kurd û pêşketinên li Rojhilata Navîn' destpê kir.&nbsp;

	&nbsp;

	Navenda Lêkolînên Rojhilata Navîn û Îslamî bi mijara 'Pirsgirêka Kurd û pêşketinên li Rojhilata Navîn' li paytexta Yewnanîstan Atînayê konferansekê lidar dixin. Tevî Hevserokê PYD'ê Xerîb Hiso, Hevseroka Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Şîmhan Ehmed û Hevseroka Buroya Têkiliyên Dîplomatîk a PYD'ê Sema Begdaş gelek akademîsyen, siyasetmedar û rojnamevan tevlî konferansê bûn.

	&nbsp;

	&nbsp;Xerîb Hiso di axaftina vekirinê de êrîşên rêjîmê û DAIŞ'ê li Sûriyê bi bîr xist û diyar kir ku di nava HTŞ'ê de gelek 'avaniyên çete' hene ku li Sûriyê xistine bin kontrola xwe û Tirkiye jî destek daye van koman. Hiso destnîşan kir ku armanca sereke ya van koman têkbirina avaniya demokratîk a Bakur û Rojhilatê Sûriyê ye

	&nbsp;

	3 RÛNIŞTIN&nbsp;

	&nbsp;

	Konferans wê tevahiya rojê dewam bike. Di rûniştina yekemîn de wê rewşa heyî ya Kurdên li Sûriyeyê; Zekîa Aqra wê moderatoriya rûniştinê bike. Ji Zanîngeha Peloponnesê Profesor Sotiris Roussos, ji Zanîngeha Neteweyî û Kapodistrian a Atînayê alîkar profesor Antonîs Derîzîotîs û akademîsyen Katîa Zagorîtoû wê di vê rûniştinê de biaxivin.&nbsp;

	&nbsp;

	Saet di 12:00 de wê Wezîrê Karên Derve yê berê yê Yewnanîstanê Nîkos Kotzîas axaftinekê bike. Di rûniştina duyemîn de dê pêşandan li ser bandora herêmî ya Rêveberiya Xweser a Bakur û Rojhilatê Sûriyê û Rêberê Gelê Kurd Abdullah Ocalan werin kirin. Di rûniştina bi moderatoriya Ioannis Albanis de, ji Zanîngeha Hewlerê rojnamevan Stavros Lygeros, Petros Papakonstantinou, ji Zanîngeha Hewlerê doçent Thomas Schmîdînger û ji Zanîngeha George Washîngtonê profesor Amy Austin Holmes wê bibin axaftvan.

	&nbsp;

	Piştre jî Hevseroka Beşa Têkiliyên Derve ya Rêveberiya Xweser a Bakur û Rojhilatê Sûriyê Xiyal Ehmed dê axaftinekê bike.&nbsp;

	&nbsp;

	Di rûniştina dawî de wê hêzên herêmî û pirsgirêka Kurd bên nîqaşkirin. Di rûniştina bi moderatoriya Sotiris Roussos de wê Profesor Konstantinos Filis, Hîndekarê Zanîngeha Lefkoşa Stavros Drakoularakos û ji Zanîngeha Leîpzîgê akademîsyen Kemal Çomanî biaxivin.&nbsp;

	&nbsp;

	Hevseroka Buroya Têkiliyên Dîplomatîk a PYD'ê Sema Begdaş jî dê axaftina girtinê bike.

	&nbsp;