
Iraqê Şara vexwend Lûtkeya Ereban

2025-04-28 15:52:12


	&nbsp;

	NAVENDA NÛÇEYAN - Iraqê, Serokê Hikûmeta Demkî ya Sûriyeyê Ahmet el-Şara vexwend Lûtkeya Ereban ku dê di 17’ê Gulanê de li Bexdayê bê lidarxistin.&nbsp;

	&nbsp;

	Wezîrê Çand, Turîzm û Berhemên Dîrokî yê Iraqê Ahmet Fekak el-Bedranî, ji bo beşdarî Lûtkeya Ereban ku dê di 17’ê Gulanê de li Bexdayê were lidarxistin, vexwendnameyeke fermî ji Serokê Hikûmeta Demkî ya Sûriyeyê Ahmet el-Şara re şand.&nbsp;

	&nbsp;

	Bedranî ji medyaya dewletê ya Iraqê (INA) re axivî û got ku wan Şara vexwendiye. Medyaya dewletê ya Sûriyeyê SANA’yê jî ev yek piştrast kir.&nbsp;

	&nbsp;

	Di 17’ê Gulanê de dê li Bexdayê bi beşdariya nûnerên 22 welatan 34’emîn Lûtkeya Ereban were lidarxistin.&nbsp;

	&nbsp;

	Hat zanîn ku mijarên sereke yên lûtkeyê jî geşedanên li Filistîn, Lubnan, Sûriye û Lîbyayê û ewlehiya avê, şirîkatiya enerjiyê, jinûveavakirina Xezeyê û mijarên din ên li herêmê ne.&nbsp;

	&nbsp;