Li Îranê 2 kolber birîndar bûn 

2025-04-28 15:25:45


	 

	NAVENDA NÛÇEYAN - Di êrişa hêzên rejîma Îranê de li ser sînorê bajarê Baneyê yê Rojhilat 2 kolber birîndar bûn. 

	 

	Malpera Kolbernewsê ragihand ku duh 2 kolberên Kurd ên bi navê Ako Şerîfî (22) û Şivan Elî Pûr (25) li sînorê Bane ya rojhilatê Kurdistanê ji aliyê hêzên rejîma Îranê ve hatin gulebarankirin. Di encama êrişa hêzên rejîma Îranê de, her du kolber bi giranî birîndar bûn.

	 

	Hêjayî gotinêye ku di sala 2024’an de li rojhilatê Kurdistanê di encama êrişên hêzên rejîma Îranê de 53 kolberên Kurd hatine kuştin û 131 kolber jî birîndar bûn.