‘Em ji bo azadiyê agirê Newrozê vêxin û têkoşînê geş bikin'

2025-03-13 09:05:33


	STENBOL - Endama Lijneya Berdevkan a TOP'ê Julîana Gozen diyar kir ku Newroz ji bo gelê kurd û kedkaran wê bibe dîrokî û got: "Em ji bo azadiyê agirê Newrozê vêxin." Serokê Giştî yê EHP'ê Hakan Ozturk jî banga "Em têkoşînê mezin bikin" kir.

	Newroza 2025’an a Stenbolê wê di 23’ê Adarê de li Qada Yenîkapiyê bi pêşengiya Kongreya Demokratîk a Gelan (HDK) bi dirûşmeya “Newroza ji bo azadiya civaka demokratîk” bê pîrozkirin.

	 

	Serokê Giştî yê Partiya Tevgera Kedê (EHP) Hakan Ozturk û Endama Lijneya Berdevkan a Partiya Azadiya Civakî (TOP) Juliana Gozenê der barê wate û girîngiya Newroza îsal de ku deklerasyona wê hat eşkerekirin nirxandin kirin.

	 

	Juliana Gozen da xuyakirin ku ew di serdemeke wisa de ne ku hevsengiyên siyasî, aborî û civakî li cîhanê dihejin û got ku Newroza 2025'an di pêvajoyeke dîrokî de tê pîrozkirin. Juliana Gozen got: "Me komkujiya li hemberî gelê Filistînê ku di 7'ê Cotmehê de dest pê kir dît. Hewl didin Rojhilata Navînê li gorî berjewendiyên welatên emperyalîst ji nû ve dîzayn bikin. Niha em bi komkujiya gelê elewî re rû bi rû ne."

	 

	DESTKEFTIYÊN GELÊ KURD'

	 

	Julîan Gozenê got: “Dema em bûyer û rastiyan li ser quretiya neteweya serdest didin ber hev, Rojhilata Navîn, Tirkiye û cîhan ber bi tarîtiyê ve diçin. Em di pêvajoyên daneheva dîrokî de cih digirin û li şûna ku bibin temaşevan di têkoşîna birûmet a gelê kurd de, em bi perspektîfa bûyîna mijar, guherîn û veguhertinê lê binerin; pêvajoya ku em tê de ne ji bo mirovan gelek potansiyelan dihewîne. Li vir deskeftiyên gelê kurd di bin xetereyê de ne. Lemwa me banga Abdullah Ocalan di vê çarçoveyê de xwend. Ew bangek e ku hevkêşeyên serdestan berteng dike." 

	 

	'EM AGIRÊ NEWROZÊ JI BO AZADIYÊ VÊXIN'

	 

	Julîana Gozenê bal kişand ser têkoşîna ku gelê kurd bi salan dimeşîne ku desthilatdaran neçar kiriye ku li ser maseyê rûnên û got: "Em Newroza 2025'an wekî pêvajoyeke ku erkên nû yên ku pêvajoya nû li ser me ferz kiriye, dinirxînin. Newroza 2025'an aştiyeke demokratîk, jiyaneke bi hev re û aştiyane û birûmet û gelek derfetên bihêz dihewîne. Em bi hev re vê yekê binixrînin. Em tevî çîna kedkaran a Tirkiyeyê û gelê kurd qadên Newrozê tije bikin. Em agirê xwe ji bo azadiyê bi hev re vêxin." 

	 

	NEWROZEKE DÎROKÎ YE

	 

	Serokê Giştî yê EHP'ê Hakan Ozturk jî bi bîr xist ku pirsgirêka kurd pirsgirêkeke bi sedsalan e û got ku her kes ji vê pirsgirêkê dikişîne. Ozturk destnîşan kir ku wateya dîrokî ya Newrozê wekî hilweşandina Dehakê zalim tê zanîn û destnîşan kir ku ev Newroz hem ji bo gelê kurd û hem jî ji bo çîna karkeran Newrozeke dîrokî ye. 

	 

	Ozturk destnîşan kir ku ew di qonaxeke dîrokî de ne û wiha dewam kir: “Em di qonaxeke pir krîtîk de ne. Di vî warî de hem divê em bi xurtî beşdarî Newrozê bibin û hem jî nîşan bidin ku em ê demokrasî û aştiyê çawa geş bikin. Divê em aştî û demokrasiyê ji tevahiya civaka Tirkiyeyê re vebêjin. Divê em kesên li dijî me ne bêalî bikin. Divê em hewaya aştiyê li tevahiya civaka Tirkiyeyê belav bikin. Ji ber vê yekê em bi hêzek mezin derkevin ser dikê. Em bînin bîra xwe ku Kawayê Hesibkar çawa agirê xwe geş kir. Werin em têkoşînê mezin bikin."

	 

	MA / Melîk Çelîk