Komîna Fîlman a Rojava, wê di 13'ê mijdarê de 4’emîn Mîhrîcana Fîlman a Rojava ya Navneteweyî li dar bixin. Komîteyê heta niha hezar û 500 fîlm ji piranî welatên cîhanê wergirtine.
Serokê DTSO'yê Mehmet Kaya diyar kir ku tevî hemû dûreparêzên rayedarên TUYAP’ê û hin weşanxaneyan jî ji bo li dar xistina pêşengeha pirtûkan hewldanan kirine û ew di 9 rojên pêşengehê de li benda 200 hezar xwîneran in û xwîner mîna mitîngê diherikin pêşengehê.
Sînemagerên ku li Ewropayê hatin gel hev Kolektîfa Filma a Avakino ava kirin û amadekariya vekirinê dikin. Kolektîf, bi armanca ku pêkanbûna "Sînemaya Azad" nîşan bide, dê tora têkiliyê ava bike.
Yekemîn nizamnameya avakirina cemîyeta Jinên Kurd, sed sal şûnde ji aliyê Ekrem Malbat bû pirtûk. Pirtûk bi kurdî û tirkî hat çapkirin.
Li Komelaya Ziman û Çandê ya Birca Belek qeydên ji bo kurdî dest pê kirin. Bahattîn Robar ku di nav xebatên komeleyê de cih digire, bilêv kir ku ji bo pêşxistina ziman ew li benda piştgiriyê ne û dixwazin her kes tev li kursên wan bibe.
Şanoya Mencelê bi dirûşmeya "Li sahneya heqîqetê tu jî replîkekê bêje" dest bi Mihrîcana Şanoyê ya 2'yan a Mencelê dike. Wê mihrîcan di 10'ê Cotmehê de dest pê bike. Ev mihrîcanê diyarî Evdirrehîm Rehmî Hekarî tê kirin ku 100 sal berê texsta ewil a şanoya kurdî nivîsandiye. Şanoger Pelînaz Delazy, got: "Me replîk li replîkên Evdirrehîm Rehmî Hekarî zêde kirin û me xwe gihand roja îroyîn."
Pêşangeha Pirtûkan a Amedê ya 2019'an dest pê kir.
Walîtiya Wanê bi hênceta di çarçoveya qedexekirina çalakî û şahiyên li bajêr de konserên şaredariyên Qelqelî û Serayê qedexe kir.
Sînemaya Mezopotamyayê, ragihand ku ew ê di 4 waran de atolyeyên sînemayê vekin û ji bo atolyeyan qeyd dest pê kirine. Atolye wê di 15'ê Cotmehê de dest pê bikin.
Dengbêj Mûkaddes Yildirim a hêj 12 salî bû bi zilamekî 54 salî û du caran zewicîbû re bi darê zorê hatiye zewicandin, niha bi kilaman êş û kulên jiya ye distrê û hewl dide bijî. Yildirim ku ji xwe re dibêje "ez derdbêj im", dixwaze çanda dengbêjiyê bidome.
Di bin banê Şaredariya Farqînê de, dê Rojên Çand û Hunerê bên lidarxistin. Wê li navçeyê 3 rojan çalakiyên cur bi cur bên lidarxistin.
Weşanxaneya Sîtavê 21 jê kurdî 4 jê tirkî bi giştî bi 25 pirtûkên nû ji Fûara Pirtûkan a Amedê re amade ye. Xwediyê weşanxaneyê Kahîr Bateyî bang li xwîneran kir û xwest ku li weşanxaneyên kurdî xwedî derkevin.
Hunermendê NÇM'ê Çiya Şenses, bilêv kir ku NÇM, ji roja ku hatiye avakirin li dijî feraseta asîmlasyonkar têdikoşe û ji bo vê bedêl daye û got: "Em hêzê ji bedêlên ku hevalên me dane digirin û bêtir hildiberînin û dixebitin."
Nûnerên weşanxanên kurd ên dê beşdarî Pêşengeha Pirtûkan a Amedê bibin diyar kirin ku weşangeriya kurd di pêvajoyek zehmet de derbas dibe û bang li xwîneran kirin ku hin bêtir eleqeyê nîşanî pirtûkên kurdî bidin.
Bernameya 2'emîn Mihrîcana Şanoyê ya Mencelê ku îsal diyariyê Evdirrehîm Rehmî Hekarî tê kirin dê di navbera 10-20'ê Cotmehê de bi dûrişmeya "Di dika heqîqetê de tu jî replîkek bibêje" bê lidaxistin, aşkera bû.